Alkawi – Angguak Anggak

Nan sakali ondeh diak, nyo aia gadang, la lai
Yo lah nan sakali ondeh diak, tapian lah barubah, sayang
Ndeh walau lah batahun diak ei, paneh garang
Hujan sadarok diak ei, mambaok basah

Pikia lah dahulu ondeh diak, yo pandapatan, la lai
Sasalah kudian ondeh diak, indak baguno, la lai
Yo lapeh lah luluih diak ei, jari tangan
Disinan hati diak ei, mangkonyo ibo

Dibaliak mangko dibalah
Dikirai mangko diangin
Caliak dulu diak ei pandangan sudah
Sinan mangko diak ei, patuik jo mungkin

Angguak anggak ondeh diak, nyo geleng amuah, la lai
Di dalam lah nyo duo ondeh diak, oi tangah tigo, la lai
Lah batanyo lah nyo rabuang ondeh diak, ka palupuah
Sambilu bilo diak ei, badan ka punyo